കോഴിക്കോട് ബസ് വീഡിയോ വിവാദം: ദീപക് ആത്മഹത്യ കേസ്, ഷിംജിത അറസ്റ്റിൽ
deepak suicide shimjitha arrested
Bus Sexual Harassment Video Case: deepak-suicide-shimjitha-arrested – കോഴിക്കോട് ദീപക് ആത്മഹത്യ – ഷിംജിത അറസ്റ്റിൽ | Indiavision News | 21 January 2026
deepak suicide shimjitha arrested :
കോഴിക്കോട്:
സ്വകാര്യ ബസ് യാത്രയ്ക്കിടെ ലൈംഗികാതിക്രമം നടന്നുവെന്നാരോപിച്ച് സമൂഹമാധ്യമങ്ങളിൽ വീഡിയോ പ്രചരിപ്പിച്ച സംഭവവുമായി ബന്ധപ്പെട്ട് യുവതി ഷിംജിതയെ പൊലീസ് അറസ്റ്റ് ചെയ്തു. കോഴിക്കോട് സ്വദേശിയായ ദീപക് ജീവനൊടുക്കിയ സംഭവത്തിലാണ് നടപടി. Bus Sexual Harassment Video Case . deepak-suicide-shimjitha-arrested
വടകരയിലെ ബന്ധുവീട്ടിൽ നിന്നാണ് ഷിംജിതയെ പൊലീസ് കസ്റ്റഡിയിലെടുത്തത്. കേസെടുത്തതിന് പിന്നാലെ യുവതി ഒളിവിൽ പോയിരുന്നു. തുടര്ന്നുള്ള അന്വേഷണത്തിലാണ് അറസ്റ്റ് രേഖപ്പെടുത്തിയത്.
അനുബന്ധ വാര്ത്തകള്
ഈ കേസിൽ ഷിംജിത മുൻകൂർ ജാമ്യാപേക്ഷ നൽകിയിട്ടുണ്ട്. കോഴിക്കോട് ജില്ലാ കോടതിയിലാണ് ജാമ്യാപേക്ഷ സമർപ്പിച്ചിരിക്കുന്നത്. അന്വേഷണത്തിന്റെ ഭാഗമായി ഷിംജിത മുസ്തഫക്കായി പൊലീസ് ലുക്ക് ഔട്ട് നോട്ടീസും പുറപ്പെടുവിച്ചിരുന്നു. ₹149-ക്ക് മികച്ച Stylus Pen! Mobile & Tablet ഉപയോഗിക്കുന്നവർക്ക് Must-Buy Gadget
സംഭവവുമായി ബന്ധപ്പെട്ട കൂടുതൽ തെളിവുകൾ ശേഖരിക്കുന്നതിനുള്ള ശ്രമങ്ങൾ തുടരുകയാണ്. ബസിലെ സിസിടിവി ദൃശ്യങ്ങൾ പരിശോധിച്ചെങ്കിലും നിർണായകമായ തെളിവുകൾ കണ്ടെത്താനായിട്ടില്ലെന്ന് പൊലീസ് അറിയിച്ചു.
ബസ് ജീവനക്കാരും യാത്രക്കാരും നൽകിയ പ്രാഥമിക മൊഴികളിൽ യാത്രയ്ക്കിടെ ആരും പരാതിപ്പെട്ടിട്ടില്ലെന്ന വിവരമാണ് ലഭിച്ചത്. എന്നിരുന്നാലും കൂടുതൽ യാത്രക്കാരുടെ മൊഴികൾ രേഖപ്പെടുത്താനാണ് പൊലീസ് നീക്കം.
കേസിന് ആസ്പദമായ സംഭവം കഴിഞ്ഞ വെള്ളിയാഴ്ചയാണ് നടന്നത്. പയ്യന്നൂരിലേക്കുള്ള ബസ് യാത്രയ്ക്കിടെ ലൈംഗികാതിക്രമം നേരിട്ടുവെന്ന ആരോപണത്തോടെ ഷിംജിത ഇൻസ്റ്റഗ്രാമിൽ വീഡിയോ പോസ്റ്റ് ചെയ്തിരുന്നു.
ഒരു ദിവസത്തിനകം തന്നെ വീഡിയോ 23 ലക്ഷം ആളുകൾ കണ്ടതോടെ സംഭവം വ്യാപക ശ്രദ്ധ നേടി. ഇതിന് പിന്നാലെയാണ് ദീപക് ജീവനൊടുക്കിയത്. ഈ സംഭവമാണ് വലിയ സാമൂഹിക ചർച്ചകൾക്ക് വഴിവെച്ചത്.
സംഭവം നടന്ന് ആറാം ദിവസമാണ് ഷിംജിത അറസ്റ്റിലായത്. കേസുമായി ബന്ധപ്പെട്ട് സമൂഹമാധ്യമങ്ങളിൽ ശക്തമായ വാദപ്രതിവാദങ്ങൾ തുടരുകയാണ്. അന്വേഷണം സമഗ്രമായി തുടരുന്നുണ്ടെന്ന് പൊലീസ് വ്യക്തമാക്കി.
Indiavision News was founded with a clear mission: to uncover truths that those in power often try to hide and to serve the public’s right to know. In an era of misinformation and sensationalism, we aim to uphold the core values of journalism — accuracy, transparency, accountability, and public interest.
