സോളാർ വിവാദത്തിൽ വീണ്ടും തീപിടിച്ച് കേരള രാഷ്ട്രീയം | Indiavision News
Chandy Oommen Ganesh Kumar Controversy 2026: ഉമ്മൻ ചാണ്ടി കുടുംബം തകർത്തെന്ന ആരോപണത്തിന് ചാണ്ടി ഉമ്മന്റെ തിരിച്ചടി
തിരുവനന്തപുരം:
ഗതാഗത മന്ത്രി കെ.ബി. ഗണേഷ് കുമാറിന്റെ ആരോപണങ്ങൾക്കും വിമർശനങ്ങൾക്കും മറുപടിയുമായി ചാണ്ടി ഉമ്മൻ എംഎൽഎ. രംഗത്തെത്തി. താൻ പറഞ്ഞ കാര്യങ്ങളെല്ലാം സത്യസന്ധമാണെന്നും വ്യക്തിപരമായ അധിക്ഷേപങ്ങൾ നടത്തിയിട്ടില്ലെന്നും ചാണ്ടി ഉമ്മൻ പ്രതികരിച്ചു.
കേരളത്തിലെ ജനങ്ങൾക്ക് സത്യം ബോധ്യമായ കാര്യമാണെന്നും സത്യവിരുദ്ധമായ ഒന്നും താൻ പറഞ്ഞിട്ടില്ലെന്നും ചാണ്ടി ഉമ്മൻ വ്യക്തമാക്കി. ആരെയും വ്യക്തിപരമായി അപമാനിക്കാനുള്ള ഉദ്ദേശമില്ലെന്നും വിഷയത്തെ രാഷ്ട്രീയ വിവാദമായി മാറ്റാൻ താൽപര്യമില്ലെന്നും അദ്ദേഹം പറഞ്ഞു.
തന്റെ കുടുംബം തകർത്തത് ഉമ്മൻ ചാണ്ടിയാണെന്ന ഗണേഷ് കുമാറിന്റെ ആരോപണത്തോടും ചാണ്ടി ഉമ്മൻ പ്രതികരിച്ചു. അത്തരമൊരു പരാമർശം സ്വന്തം മനസാക്ഷിയോട് ഗണേഷ് കുമാർ ചോദിക്കട്ടെയെന്നായിരുന്നു മറുപടി. പൊതു സമൂഹത്തിൽ പ്രതികരിക്കാത്തതിന്റെ കാരണം മരിച്ചുപോയ പിതാവിനെ വീണ്ടും വിവാദത്തിലേക്ക് കൊണ്ടുവരാൻ താൽപര്യമില്ലാത്തതിനാലാണെന്നും അദ്ദേഹം കൂട്ടിച്ചേർത്തു.
അനുബന്ധ വാര്ത്തകള്
സോളാർ വിവാദം വീണ്ടും ചർച്ചയിൽ
വർഷങ്ങളായി കേരള രാഷ്ട്രീയത്തെ കത്തിച്ചുകൊണ്ടിരിക്കുന്ന സോളാർ കേസ് വീണ്ടും സജീവ ചർച്ചയായി. മുൻ മുഖ്യമന്ത്രി ഉമ്മൻ ചാണ്ടിക്കെതിരായ ആരോപണങ്ങൾ രാഷ്ട്രീയ കേരളം അംഗീകരിച്ചില്ലെങ്കിലും, കേസുമായി ബന്ധപ്പെട്ട നിയമനടപടികളും ആരോപണങ്ങളും വലിയ വിവാദങ്ങൾക്ക് വഴിയൊരുക്കിയിരുന്നു. ₹149-ക്ക് മികച്ച Stylus Pen! Mobile & Tablet ഉപയോഗിക്കുന്നവർക്ക് Must-Buy Gadget
സിബിഐ അന്വേഷണത്തിൽ ഉമ്മൻ ചാണ്ടിക്ക് ക്ലീൻചിറ്റ് ലഭിച്ചതിന് പിന്നാലെ, പുതുപ്പള്ളി എംഎൽഎ ചാണ്ടി ഉമ്മൻ നടത്തിയ പുതിയ വെളിപ്പെടുത്തലുകളാണ് ഇപ്പോഴത്തെ വിവാദങ്ങൾക്ക് തുടക്കമായത്. സോളാർ കേസിൽ ഉമ്മൻ ചാണ്ടിയെ കുടുക്കാൻ ഗണേഷ് കുമാർ ഇടപെട്ടുവെന്ന ആരോപണമാണ് ചാണ്ടി ഉമ്മൻ ഉന്നയിച്ചത്.
പരാതിക്കാരിയുടെ മൊഴിയിൽ മാറ്റം വരുത്തിയതും, പരാതിയുടെ പേജുകൾ വർധിച്ചതിന് പിന്നിലും ഗണേഷ് കുമാറാണെന്നുമാണ് ചാണ്ടി ഉമ്മന്റെ ആരോപണം. ഇതോടെ ഗണേഷ് കുമാർ ശക്തമായ പ്രതികരണവുമായി രംഗത്തെത്തി.
ഗണേഷ് കുമാറിന്റെ ആരോപണങ്ങൾ
തന്റെ കുടുംബജീവിതം തകർക്കാനും മക്കളെ അകറ്റാനും ഉമ്മൻ ചാണ്ടി ബോധപൂർവ്വം ശ്രമിച്ചുവെന്നാണ് ഗണേഷ് കുമാറിന്റെ ആരോപണം. കുടുംബ പ്രശ്നങ്ങളിൽ മധ്യസ്ഥത വഹിക്കാമെന്ന് പറഞ്ഞ് തന്നെ ചതിച്ചതായും മന്ത്രിസ്ഥാനത്ത് നിന്നും മാറ്റിയ ശേഷം തിരികെ നൽകാമെന്ന് പറഞ്ഞ് വഞ്ചിച്ചതായും അദ്ദേഹം ആരോപിച്ചു.
സോളാർ കേസിൽ സിബിഐക്ക് നൽകിയ മൊഴി ഉമ്മൻ ചാണ്ടിക്ക് അനുകൂലമായിരുന്നുവെന്നും അതിനുള്ള നന്ദിപോലും ലഭിച്ചില്ലെന്നും ഗണേഷ് കുമാർ പറഞ്ഞു. ചാണ്ടി ഉമ്മൻ മിണ്ടാതിരിക്കുന്നതാണ് നല്ലതെന്നും അല്ലെങ്കിൽ കൂടുതൽ കാര്യങ്ങൾ തുറന്നുപറയുമെന്നും അദ്ദേഹം മുന്നറിയിപ്പ് നൽകി.
Indiavision News was founded with a clear mission: to uncover truths that those in power often try to hide and to serve the public’s right to know. In an era of misinformation and sensationalism, we aim to uphold the core values of journalism — accuracy, transparency, accountability, and public interest.
