ഗസ്സയില് നിന്ന് സൈന്യത്തെ പിന്വലിക്കില്ല: ഇസ്രായേല് പ്രതിരോധ മന്ത്രി
Israel Gaza Military Presence: Defence Minister Says Troops Will Never Withdraw . Credit: Reauters / TNT
Israel Gaza Military Presence
തെല് അവിവ്:
ഗസ്സയില് നിന്ന് സൈനിക സാന്നിധ്യം പിന്വലിക്കില്ലെന്ന് ഇസ്രായേല് പ്രതിരോധ മന്ത്രി ഇസ്രായേല് കാറ്റ്സ് വ്യക്തമാക്കിയതായി റിപ്പോര്ട്ട്. ഗസ്സയില് സ്ഥിരമായ സൈനിക വിന്യാസം തുടരുമെന്നും, സുരക്ഷയുടെ പേരില് യാതൊരു വിട്ടുവീഴ്ചയും ഉണ്ടാകില്ലെന്നും മന്ത്രി അറിയിച്ചു.
വെടിനിര്ത്തലുമായി ബന്ധപ്പെട്ട രണ്ടാംഘട്ട ചര്ച്ചകള് ഉടന് ആരംഭിക്കാനിരിക്കെയാണ് മന്ത്രിയുടെ ഈ ശക്തമായ നിലപാട് പുറത്തുവരുന്നത്. സമാധാന ചര്ച്ചകളെ ഇത് പ്രതികൂലമായി ബാധിക്കുമെന്ന ആശങ്ക അന്താരാഷ്ട്ര തലത്തില് ഉയരുന്നുണ്ട്.
ഇതിനിടെ, ഗസ്സയിലെ ആരോഗ്യ സംവിധാനങ്ങള് കടുത്ത പ്രതിസന്ധി നേരിടുകയാണ്. ആവശ്യമായ മരുന്നുകളും ചികിത്സാ ഉപകരണങ്ങളും ലഭിക്കാതിരുന്നതിനാല് ആശുപത്രികള് പ്രവര്ത്തനക്ഷമത നഷ്ടപ്പെടുന്ന സ്ഥിതിയിലാണ്. സാധാരണ ചികിത്സകള് പോലും തടസ്സപ്പെടുന്നുവെന്നാണ് ആരോഗ്യ പ്രവര്ത്തകരുടെ മുന്നറിയിപ്പ്.
അനുബന്ധ വാര്ത്തകള്
യുഎസ് പ്രസിഡന്റ് ഡൊണാള്ഡ് ട്രംപിന്റെ സമാധാന നിര്ദേശങ്ങളുമായി ബന്ധപ്പെട്ട നിര്ണായക ചര്ച്ചകള് ഈ മാസം അവസാനത്തോടെ നടക്കാനിരിക്കെ, ഇസ്രായേല് സര്ക്കാരിന്റെ പുതിയ പ്രഖ്യാപനം ചര്ച്ചകള്ക്ക് വലിയ വെല്ലുവിളിയാകുമെന്നാണ് വിലയിരുത്തല്.
ഈ മാസം 29ന് ഇസ്രായേല് പ്രധാനമന്ത്രി ബിന്യാമിന് നെതന്യാഹു അമേരിക്കയിലേക്ക് യാത്രതിരിക്കുമെന്നാണ് റിപ്പോര്ട്ടുകള്. ഗസ്സ വെടിനിര്ത്തല് രണ്ടാംഘട്ട ചര്ച്ചകളാണ് ഈ സന്ദര്ശനത്തിന്റെ പ്രധാന അജണ്ട.
Indiavision News was founded with a clear mission: to uncover truths that those in power often try to hide and to serve the public’s right to know. In an era of misinformation and sensationalism, we aim to uphold the core values of journalism — accuracy, transparency, accountability, and public interest.
